25-Yakkabog‘ saylov okrugidan saylangan deputat Mirzaulukov Zafar Zohid o‘g‘liga biriktirilgan Xalq deputatlari Chilonzor tumani Kengashi kotibiyati bosh mutaxassisi Mirzayeva Hulkar tomonidan So‘galli Ota ko‘chasi bo‘ylab piyodalar yo‘lakchasining holati o‘rganildi.
O‘rganish davomida hududdagi piyodalar yo‘lakchasi bilan bog‘liq bir qator muammolar aniqlandi. Fuqarolar tomonidan ham yo‘lakchaning mavjud holati yuzasidan e’tiroz va murojaatlar bildirildi.
Jumladan:
🔹 yo‘lakchaning ayrim qismlari ta’mirtalab va toshloq holatda;
🔹 ayrim joylarda kanalizatsiya quduqlarining qopqoqlari mavjud emas;
🔹 piyodalar yo‘lakchasi ko‘chaning oxirigacha yetib bormagan;
🔹 natijada fuqarolar qatnov qismidan yurishga majbur bo‘lmoqda.
Mazkur holatlar aholining kundalik harakatlanishida noqulaylik tug‘dirayotgani, ayniqsa, bolalar, keksalar va piyodalar xavfsizligi masalasiga alohida e’tibor qaratish zarurligini ko‘rsatmoqda.
Aniqlangan muammolarni bartaraf etish, piyodalar yo‘lakchasini ta’mirlash, kanalizatsiya quduqlarini xavfsiz holatga keltirish hamda yo‘lakchani uzluksiz davom ettirish bo‘yicha tegishli choralar ko‘rish zarurligi qayd etildi.