🌐 Xorijdagi yoshlar e’tiborda: Migratsiyadagi vatandoshlar bilan onlayn muloqot o‘tkazildi
Xalq deputatlari tuman Kengashi huzuridagi yoshlar maslahat guruhi a’zosi D.Boboqozoqov xorijda mehnat qilayotgan tumanimiz yoshlari bilan telefon orqali onlayn muloqot tashkil etdi.
📌 Muloqot davomida:
Chet eldagi yoshlarning yashash sharoitlari, bandligi va ularni qiynayotgan masalalar atroflicha o‘rganildi.
O‘zbekistonda yoshlar tadbirkorligi va bandligini ta’minlash bo‘yicha yaratilayotgan yangi imkoniyatlar, shuningdek, yurtimizga qaytib o‘z faoliyatini boshlamoqchi bo‘lganlar uchun berilayotgan imtiyozlar haqida batafsil ma’lumot berildi.
Yoshlarning huquqiy va ijtimoiy himoyasini kuchaytirish yuzasidan takliflari tinglandi hamda ularning ijrosi nazoratga olindi.
🤝 Masofadan turib o‘tkazilgan ushbu samimiy suhbat migratsiyadagi yoshlarimizni har tomonlama qo‘llab-quvvatlash va ular bilan doimiy aloqani yo‘lga qo‘yishda muhim qadam bo‘ldi.