🔷18-saylov okrugi deputati Feruza Radjabova fuqarolardan kelib tushgan murojaatlarni o‘rganish va ularning qonuniy manfaatlarini ta’minlashga alohida e’tibor qaratmoqda.

🔶Navbatdagi murojaatda fuqaro tomonidan davlat-xususiy sheriklik asosida maktabgacha ta’lim tashkiloti tashkil etish istagi bildirilgan. Mazkur murojaat yuzasidan deputat tashabbusi bilan tuman Maktab va maktabgacha ta’lim bo‘limi tomonidan amalga oshirilayotgan ishlarning holati o‘rganildi.

🔷O‘rganish davomida murojaatchining tashabbusini amalga oshirish uchun mavjud imkoniyatlar, zarur talablar hamda tegishli tartib-taomillar ko‘rib chiqildi. Shuningdek, davlat-xususiy sheriklik asosida maktabgacha ta’lim tashkilotlarini tashkil etish, amaldagi tartiblar yuzasidan mas’ullarning fikrlari tinglandi.

🔶Muloqot davomida fuqaroga mavjud imkoniyatlar, hujjatlarni belgilangan tartibda rasmiylashtirish hamda tashabbusni amaliyotga tatbiq etish bo‘yicha zarur tushuntirishlar berildi.