Xalq deputatlari Qo‘qon shahar Kengashining “Korrupsiyaga qarshi kurashish va xavfsizlik masalalari bo‘yicha” doimiy komissiyasi tomonidan shahar Kambag‘allikni qisqartirish va bandlik bo‘limida fuqarolar uchun yaratilgan sharoitlar hamda ish izlovchilar bilan ishlash holati o‘rganildi.

O‘rganish davomida bo‘limga murojaat qilgan fuqarolarni mavjud bo‘sh ish o‘rinlari bilan tanishtirish, ularning mehnat bozoridagi imkoniyatlardan xabardorligini oshirish hamda ishga joylashishiga ko‘maklashish borasida amalga oshirilayotgan ishlar ko‘rib chiqildi.

Shuningdek, fuqarolarni qabul qilish jarayoni, ularning murojaatlarini belgilangan tartibda ko‘rib chiqish, murojaatlarni tegishli yo‘nalishlar bo‘yicha yo‘naltirish va amaliy yordam ko‘rsatish holatiga ham e’tibor qaratildi.

O‘rganish jarayonida fuqarolar uchun yaratilgan shart-sharoitlar, murojaatlarni qabul qilish va xizmat ko‘rsatish tartibi, shuningdek, ish izlovchilar bilan olib borilayotgan ishlar ko‘zdan kechirildi.

Aniqlangan masalalar yuzasidan mas’ul xodimlar bilan fikr almashilib, fuqarolarga ko‘rsatilayotgan xizmatlar sifatini yanada yaxshilash va ish izlovchilarga mavjud bo‘sh ish o‘rinlari haqida o‘z vaqtida ma’lumot berishni ta’minlash bo‘yicha tegishli tavsiya va takliflar bildirildi.

Xalq deputatlari Qo‘qon shahar Kengashi