MUAMMOLAR TINGLANDI, TASHABBUSLAR QO‘LLAB-QUVVATLANADI

“Yoshlar kuni” doirasida Xalq deputatlari Namangan shahar Kengashi deputati, Namangan shahar hokimi A. Kamalov ishtirokida “Zarafshon” mahallasida istiqomat qiluvchi yoshlar bilan “Hokim va yoshlar” uchrashuvi bo‘lib o‘tdi.

Ochiq va samimiy muloqot ruhida o‘tgan uchrashuvda 20 nafardan ziyod yoshlarning ta’lim, tibbiyot, bandlik, kasb-hunarga yo‘naltirish, to‘lov-kontraktlarini qoplash hamda boshqa dolzarb masalalardagi muammo va takliflari tinglandi.

Har bir murojaatga alohida e’tibor qaratilib, yoshlarni qiynayotgan masalalarni ijobiy hal etish, ularning tashabbuslarini qo‘llab-quvvatlash va bandligini ta’minlash bo‘yicha mas’ullarga aniq topshiriq va ko‘rsatmalar berildi.

Uchrashuv davomida yoshlarning ta’lim olishi, kasb egallashi, munosib ish o‘rniga ega bo‘lishi va o‘z salohiyatini to‘liq namoyon etishi uchun zarur shart-sharoitlarni yaratish ustuvor vazifa ekani ta’kidlandi.

O‘rganish jarayonida Kengashning doimiy komissiyalari kesimidagi qonunlar taqsimotidan “Yoshlarga oid davlat siyosati to‘g‘risida”gi O‘zbekiston Respublikasi Qonuni, O‘RQ-406-son hamda sohaga oid boshqa qonunchilik hujjatlari talablari o‘rganildi.