IJTIMOIY REYESTRDAGI FUQARO MUROJAATI O‘RGANILDI

Xalq deputatlari tuman Kengashi deputati J. Mamadaliyev tomonidan Bo‘ston mahallasida ijtimoiy reyestrda turuvchi fuqaro M.A. bilan uchrashuv o‘tkazildi.

Uchrashuv davomida fuqaroning oilaviy sharoiti o‘rganilib, uning 4 nafar farzandi borligi hamda turmush o‘rtog‘i II guruh nogironligi bo‘lgan shaxs ekanligi aniqlandi.

Muloqot davomida fuqaro oilasiga moddiy yordam ko‘rsatish yuzasidan amaliy ko‘mak so‘rab murojaat qildi. Murojaat deputat tomonidan nazoratga olinib, mas’ullar bilan hamkorlikda tegishli amaliy yordam ko‘rsatish choralari belgilandi.