#Kengash_raisi_faoliyati #kotibiyat_xodimi_faoliyati
#nazorat_tahlil

Xotin-qizlar tadbirkorligi va kasb-hunarga o‘qitish ishlari o‘rganildi

Xalq deputatlari tuman Kengashiga 5-Yangiobod saylov okrugidan saylangan deputat B.Bo‘tayevaning saylov okrugidagi “Yangiobod” mahallasida tuman Kengashi raisi J.Xudoyqulova hamda tuman Kengashi kotibiyati bosh mutaxassisi J.Donayev tomonidan xotin-qizlar tadbirkorligini rivojlantirish va ularni kasb-hunarga o‘qitish yo‘nalishida amalga oshirilayotgan ishlar o‘rganildi.

O‘rganish davomida xotin-qizlarni kasb-hunarga o‘qitish, bandligini ta’minlash, tadbirkorlik faoliyatiga jalb etish hamda ularning mehnat ko‘nikmalarini rivojlantirish borasida amalga oshirilayotgan ishlar bilan yaqindan tanishildi.

Shuningdek, markazda to‘qimachilik va tikuvchilik yo‘nalishlarida tashkil etilgan mashg‘ulotlar, tinglovchilarga yaratilgan sharoitlar, mavjud tikuv mashinalari va boshqa zarur jihozlardan foydalanish holati o‘rganildi. Xotin-qizlarning ushbu yo‘nalishlarda kasb egallab, kelgusida o‘z faoliyatini yo‘lga qo‘yishi uchun mavjud imkoniyatlar ham tahlil qilindi.

O‘rganish yakunida xotin-qizlarni kasb-hunarga o‘qitish qamrovini kengaytirish, ularning bandligini ta’minlash hamda o‘rgangan kasblari asosida daromad manbalarini yaratish bo‘yicha taklif va tavsiyalar bildirildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram