Kunchiqish mahallasida “mahalla yettiligi” faoliyati o‘rganildi

Xalq deputatlari tuman Kengashiga 15-Zarkamar saylov okrugidan saylangan deputat A. Xolmo‘minov hamda tuman Kengashi kotibiyati bosh mutaxassisi J. Donayev tomonidan deputatning saylov okrugidagi “Kunchiqish” mahallasida “mahalla yettiligi” faoliyati o‘rganildi.

O‘rganish davomida mahalla raisi, hokim yordamchisi, xotin-qizlar faoli hamda “mahalla yettiligi”ning boshqa a’zolari tomonidan hududda aholi muammolarini aniqlash va hal etish, fuqarolar bilan ishlash, bandlikni ta’minlash, ijtimoiy ko‘makka muhtoj oilalarni qo‘llab-quvvatlash hamda mahallani rivojlantirish borasida amalga oshirilayotgan ishlar yuzasidan ma’lumotlar olindi.

Shuningdek, mahalladagi mavjud muammolar va ularni hal etish bo‘yicha takliflar o‘rganilib, aniqlangan masalalarni tuman Kengashi deputatining “mahalla yettiligi” bilan hamkorligi doirasida ko‘rib chiqish hamda tegishli takliflarni shakllantirish masalalariga e’tibor qaratildi.

Mazkur o‘rganish O‘zbekiston Respublikasi Oliy Majlisi Senati Kengashining 2025-yil 14-yanvardagi KQ-35-V-sonli qarorida belgilangan mahalliy Kengash deputatlarining “mahalla yettiligi” bilan o‘zaro hamkorligi doirasida amalga oshirildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram