Deputatlıq qadaǵalawı sheńberinde puqaralar menen ushırasıw ótkerildi.
Xalıq deputatları Bozataw rayonlıq Keńesi sekretariat baslıǵı A. Ibragimov, 6-“Ándijan” saylaw okruginen deputat Sh. Berdaxov hám 3-“Mádeniyat” saylaw okruginen deputat G. Yusupovalar tárepinen “Kók suw” APJ aymaǵında puqaralar menen ushırasıw ótkizildi.
Ushırasıwdıń tiykarǵı maqseti — aymaqtaǵı puqaralardıń turmıs jaǵdayı, olardıń múrájatları hám kóterilip atırǵan máselelerdi orında úyreniw, sonday-aq, mámleketlik organlar hám tiyisli shólkemler tárepinen puqaralardıń múrájatların kórip shıǵıwı hám sheshiliwi boyınsha alıp barılıp atırǵan jumıslardı deputatlıq qadaǵalaw arqalı úyreniwden ibarat boldı.
Deputatlıq qadaǵalawı — puqaralardıń huqıq hám máplerin qorǵaw, olardıń múrájatların úyreniw hám kóterilgen máselelerdiń nızam talaplarına muwapıq sheshiliwin támiyinlewde áhmiyetli mexanizm bolıp tabıladı.