Xalq deputatlari Bag‘dod tumani Kengashining “17-Samandarak” saylov okrugi deputati I.Axmedov hamda Kengash Kotibiyati mudiri G‘.Abdullayev tomonidan “Istiqlol” mahalla fuqarolar yig‘ini hududida barpo etilayotgan “Samandarak” temirchilik sanoat zonasida amalga oshirilayotgan qurilish-montaj va infratuzilma ishlarining borishi o‘rganildi.

🔹O‘rganish davomida sanoat zonasida tadbirkorlik subyektlari uchun yaratilayotgan shart-sharoitlar, hududni zarur muhandislik-kommunikatsiya tarmoqlari bilan ta’minlash hamda loyihalarni belgilangan muddatlarda amalga oshirish jarayonlari ko‘zdan kechirildi.

🔹Ma’lum qilinishicha, bugungi kunga qadar 100 ga yaqin tadbirkor mazkur sanoat zonasida o‘z loyihalarini amalga oshirish istagini bildirgan. Shundan 12 ta loyiha auksion savdolariga chiqarilgan bo‘lib, hozirgi kunda 10 ta obyektida qurilish-montaj ishlari olib borilmoqda.

🔹Sanoat zonasi to‘liq ishga tushirilishi natijasida 280 ta yangi doimiy ish o‘rni yaratilishi rejalashtirilgan.

🔹O‘rganish yakunlari bo‘yicha sanoat zonasida qurilish va infratuzilma ishlarini jadallashtirish yuzasidan mas’ullarga tegishli tavsiyalar berildi.