#Haftalik_ish_reja_ijrosi #deputat_okrugida
#deputat_faoliyati #kotibiyat_xodimi_faoliyati
#nazorat_tahlil #162_ta_Qonun_ijrosi

Kuz-qish mavsumiga tayyorgarlik holati o'rganildi

Xalq deputatlari tuman Kengashiga 22-Gulzor saylov okrugidan saylangan deputat E. Hamroyev tuman Kengashi kotibiyati bosh mutaxassisi A. Mamarajabov bilan birgalikda o‘zi saylangan saylov okrugidagi «Mustaqillik» mahallasida joylashgan 13-sonli umumta’lim maktabida bo‘lib, ta’lim muassasasining kuz-qish mavsumiga tayyorgarlik holati bilan tanishdi.

O‘rganish davomida maktabning isitish tizimi, mavjud isitish vositalari, sinfxonalardagi sharoitlar hamda kuz-qish mavsumini betalafot o‘tkazish uchun ko‘rilayotgan choralar ko‘zdan kechirildi.

Shuningdek, O‘zbekiston Respublikasining «Ta’lim to‘g‘risida»gi O‘RQ-637-son Qonuni ijrosi yuzasidan tayyorlangan savolnoma asosida ta’lim jarayonining tashkil etilishi, o‘quvchilar uchun yaratilgan shart-sharoitlar hamda ta’lim muassasasining faoliyatiga oid masalalar o‘rganildi.

O‘rganish yakunlari bo‘yicha aniqlangan masalalar yuzasidan tegishli tavsiya va takliflar bildirilib, ularning ijrosi deputatlik nazorati doirasida kuzatib borilishi belgilandi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram