Xalq deputatlari Amudaryo tuman Kengashidagi “Adolat” SDP deputatlik guruhi a’zosi — Tuman Kengashi Kotibiyati mudiri M.Urazbayev o‘z saylov okrugi hududidagi “Kuyuk ko‘pir” ovul fuqarolar yig‘inida bo‘ldi.

Tashrif davomida deputatlik faoliyatining eng muhim yo‘nalishlari doirasida "mahalla yettiligi” tomonidan amalga oshirilayotgan ishlar, fuqarolar murojaatlari bilan ishlash hamda hududni ijtimoiy-iqtisodiy rivojlantirish borasidagi tashabbuslar bilan yaqindan tanishildi.

O‘rganishlar davomida asosiy e’tibor mahalla profilaktika inspektori faoliyati samaradorligini oshirish hamda hududda huquqbuzarliklarning barvaqt oldini olish masalalariga qaratildi.

Xususan:
Hududdagi jinoyatchilikka qarshi kurashish holati va profilaktik chora-tadbirlar tahlil qilindi;
Ayniqsa, “qizil” va “sariq” hududlar toifasiga kiruvchi qismda jinoyatchilikni bartaraf etish, huquqbuzarliklar sabablarini aniqlash va ularni batamom tugatish bo‘yicha olib borilayotgan ishlar atroflicha ko‘rib chiqildi;

Mahalla “yettiligi” va huquq-tartibot organlarining o‘zaro hamkorligini yanada kuchaytirish, aholi o‘rtasida huquqiy targ‘ibot tadbirlarini ko‘paytirish yuzasidan tegishli tavsiyalar berildi.
Aholi osoyishtaligi va hudud xavfsizligini ta’minlash borasidagi deputatlik nazorati tadbirlari davom ettiriladi.