Xalq deputatlari Qo‘qon shahar Kengashi deputati B.Usmanov tomonidan saylovchilar bilan o‘tkazilgan uchrashuv va murojaatlar asosida navbatdagi deputatlik so‘rovi yuborildi.

Saylovchilar bilan o‘tkazilgan uchrashuvlar davomida Qo‘qon shahar “To‘xlimergan” MFY, Olmazor ko‘chasi, 4-uyda yashovchi fuqaro Muhammedov Dilshodjon murojaat qildi.

Murojaatda fuqaro D.Muhammedovning farzandi Shuhratova Dilshodahonga buyrak jarrohlik amaliyotini o‘tkazish maksadida bepul tibbiy yo‘llanma ajratilishida amaliy yordam so‘ralgan. Mazkur masalaga amaliy yechim topish munosabati bilan deputat tomonidan Qo‘qon shahar “Inson” ijtimoiy xizmatlar markazi boshlig‘i J.Mirzayevga deputatlik so‘rovi yuborildi.

Deputatlik so‘rovida fuqaro D.Muhammedovning farzandi D.Shuhratovaning tibbiy holatini belgilangan tartibda o‘rganib, zarur tibbiy ko‘rik va maslahatlarni tashkil etish, buyrak jarrohlik amaliyotini o‘tkazish uchun bepul tibbiy yo‘llanma ajratish imkoniyatini ko‘rib chiqish hamda tegishli tibbiy muassasalar va mas’ul mutasaddilar bilan hamkorlikda zarur choralarni ko‘rish so‘ralgan.

Mazkur masala deputat nazoratiga olingan bo‘lib, qonunchilikda belgilangan tartibda deputatlik so‘roviga javob taqdim etilishi hamda amalga oshirilgan ishlar haqida qo‘shimcha ma’lumot berib boriladi.

Xalq deputatlari Qo‘qon shahar Kengashi