Bandixon tumanida "Xalqparvar" komissiyasi deputatlari ko‘p qavatli uy-joylar qurilishini o‘rgandilar

✅Bandixon tumanida aholining uy-joyga bo‘lgan ehtiyojini qondirish, tuman markazida zamonaviy ko‘p qavatli turar joy majmualarini barpo etish hamda shaharsozlik va qurilish sifati ustidan jamoatchilik va deputatlik nazoratini o‘rnatish borasida tizimli ishlar amalga oshirilmoqda.

✅Xalq deputatlari Bandixon tumani Kengashi huzuridagi “Xalqparvar” komissiyasi raisi, deputat I.A.Xalmatov hamda komissiya a’zosi, deputat X.Abdimo‘minov tuman markazidagi “Bandixon” mahallasida qurilayotgan 5 qavatli turar joy binosi qurilishi maydonida bo‘ldilar.

✅Loyiha hujjatlariga asosan, "Shukrona-Marvarid-Donolari" xususiy korxonasi tomonidan pudratchilik asosida barpo etilayotgan ushbu ko‘p qavatli uyda zamonaviy muhandislik-kommunikatsiya tarmoqlari, avtoturargoh hamda bolalar maydonchasini tashkil etish ko‘zda tutilgan.

✅Deputatlar tomonidan qurilish ishlarining borishi, shaharsozlik va texnik reglamentlarga amal qilinishi hamda qurilish materillari sifati ko‘zdan kechirildi. Tashrif yakunida ob’ektni belgilangan muddatlarda, sifatli yakunlash va foydalanishga topshirish yuzasidan mas’ul pudratchi va texnik nazoratchilarga tegishli tavsiya hamda ko‘rsatmalar berildi.