FAOLIYAT TAHLILI VA KELGUSI REJALAR MUHOKAMA QILINDI

Pop tuman hokimligining kichik majlislar zalida Xalq deputatlari tuman Kengashi tashabbusi bilan brifing tashkil etildi.

Brifing davomida Xalq deputatlari tuman Kengashi raisi Nezomiddin Abrarov tomonidan joriy yilning o‘tgan sakkiz oyi davomida Kengash tomonidan amalga oshirilgan ishlar, deputatlik nazorati, fuqarolar murojaatlari bilan ishlash, hududlarda olib borilgan o‘rganishlar hamda sessiyalarda ko‘rib chiqilgan masalalar yuzasidan batafsil axborot berildi.

Deputatlarning hududlarda aholi bilan uchrashuvlari, sayyor qabullarni tashkil etish, aniqlangan muammolarni tegishli tashkilotlar bilan hamkorlikda hal etish borasidagi faoliyati tahlil qilindi.

Kengash faoliyatining ochiqligi va shaffofligini ta’minlash, aholining murojaatlari va takliflarini o‘rganish, deputatlik nazoratini yanada kuchaytirish hamda kelgusida amalga oshiriladigan ustuvor vazifalar yuzasidan fikr-mulohazalar bildirildi.