Xalq deputatlari Andijon shahar Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi raisi Avazbek Appaqov Andijon shahar “Yuksalish” MFYda mahalla yettiligi a’zolari bilan uchrashuv o‘tkazdi.

Uchrashuv davomida mahalla yettiligi faoliyatida qonuniylik va ochiqlikni ta’minlash, fuqarolar murojaatlari bilan ishlashda shaffoflikka rioya etish hamda korrupsiyaviy holatlarning oldini olish masalalari muhokama qilindi.

Shuningdek, mahalla yettiligi a’zolariga o‘z faoliyatini amaldagi qonunchilik talablari asosida olib borish, fuqarolarning huquq va manfaatlarini ta’minlash hamda xizmat vazifalarini vijdonan bajarish yuzasidan tavsiyalar berildi.

Korrupsiyaning oldini olish — qonuniylik, shaffoflik va jamoatchilik nazoratini ta’minlashdan boshlanadi.