Xalq deputatlari Qo‘qon shahar Kengashi kotibiyati mudiri A.Nosirov hamda shahar Kengashi deputati A.Mamatqulov tomonidan deputat A.Mamatqulov saylangan “Muqimiy” mahallasida amalga oshirilgan va ishga tushirilgan investitsiya loyihalari bilan tanishildi.

O‘rganish jarayonida Qo‘qon shahar hokimining investitsiyalar bo‘yicha o‘rinbosari O.Mingboyev hamda mahalla hokim yordamchisi D.Rahimov ishtirok etdi.

Tashrif davomida tadbirkor Ya.Akramov tomonidan amalga oshirilgan investitsiya loyihasi faoliyati o‘rganildi. Qiymati 2 mlrd so‘m bo‘lgan loyiha doirasida aholiga zarur bo‘lgan oziq-ovqat hamda uy-ro‘zg‘or buyumlari mahsulotlari savdosiga ixtisoslashgan zamonaviy supermarket ishga tushirilgan.

Mazkur loyihaning amalga oshirilishi natijasida mahalla hududida 8 ta yangi ish o‘rni yaratildi. Bu esa aholi, ayniqsa, mehnatga layoqatli fuqarolar bandligini ta’minlash va ularning doimiy daromad manbaiga ega bo‘lishiga xizmat qilmoqda.

O‘rganish davomida loyiha faoliyati, yaratilgan ish o‘rinlari hamda tadbirkorlik faoliyatini rivojlantirish uchun mavjud imkoniyatlar bilan tanishilib, kelgusida loyihani yanada kengaytirish va mahallada yangi investitsiya tashabbuslarini amalga oshirish masalalari yuzasidan fikr almashildi.

Xalq deputatlari Qo‘qon shahar Kengashi