🔰Bolalar salomatligi – doimiy e’tiborda

🔵Xalq deputatlari Jondor tumani Kengashi deputati I. Ro‘ziyev hamda tuman Kengashi kotibiyati mudiri I. Xolov hamkorligida Tinchlik mahallasidagi 1-son umumiy o‘rta ta’lim maktabida o‘quvchilarga o‘z vaqtida va sifatli tibbiy yordam ko‘rsatilish holati o‘rganildi.
🔵O‘rganish jarayonida maktabda o‘quvchilar salomatligini muhofaza qilish, ularga birinchi tibbiy yordam ko‘rsatish uchun yaratilgan sharoitlar, tibbiy xonaning holati hamda zarur dori-darmon va tibbiy vositalar bilan ta’minlanganlik darajasiga e’tibor qaratildi.
🔵Shuningdek, o‘quvchilar o‘rtasida kasalliklarning oldini olish, sog‘lom turmush tarzini targ‘ib qilish va sanitariya-gigiyena talablariga rioya etish bo‘yicha amalga oshirilayotgan ishlar yuzasidan mas’ul xodimlar bilan muloqot qilindi.
🔵O‘rganish yakunida o‘quvchilar salomatligini muhofaza qilish, tibbiy xizmat sifatini yanada oshirish hamda mavjud kamchiliklarni bartaraf etish bo‘yicha tegishli tavsiyalar berildi.