O‘zbekiston Respublikasi Prezidentining 2026-yil 5-fevraldagi PQ-49-son qarori ijrosi yuzasidan “og‘ir toifadagi” mahallalardan biri bo‘lgan Olmachi mfyda tuman Kengashi Kotibiyati mudiri A. Raxmonov tomonidan tuman Kengashi huzuridagi Yoshlar maslahat guruhi a’zolari hamda mahalla yettiligi bilan birgalikda amalga oshirilayotgan bunyodkorlik ishlari o‘rganildi.
Qarorga muvofiq, mahallaning markaziy ko‘chasida aholi tomorqalarini sug‘orish tizimini yaxshilash maqsadida 1,5 km qismga lotok o‘rnatish belgilangan. O‘rganish davomida mazkur ishlarning amaldagi holati, bajarilish sifatini ko'zdan kechirish davomida mahalla faollari tomonidan lotoklarni yotqizish ishlarida ayrim kamchiliklar bildirildi. Bu bo'yicha qurilish ishlari mas’ullariga tegishli tavsiyalar berilib, kamchiliklarni hal etish hamda ishlarning sifatli yakunlanishiga amaliy ko‘mak ko‘rsatish bo‘yicha kelishib olindi.