O‘rganish jarayonida maktab jamoasi, xususan, o‘qituvchi va xodimlar bilan suhbat o‘tkazilib, ularning faoliyat davomida duch kelayotgan muammo va kamchiliklari, taklif hamda murojaatlari tinglandi. Pedagoglarning ish faoliyatini samarali tashkil etish, o‘quv mashg‘ulotlari uchun zarur shart-sharoitlarni yaxshilash, musiqa asboblari va boshqa o‘quv jihozlariga bo‘lgan ehtiyojlar masalalariga alohida e’tibor qaratildi.

Shuningdek, o‘quvchilarning bo‘sh vaqtlarini mazmunli tashkil etish, ularning musiqa va san’atga bo‘lgan qiziqishlarini yanada oshirish, iqtidorli yoshlarni qo‘llab-quvvatlash hamda turli ko‘rik-tanlovlarga munosib tayyorgarlik ko‘rish masalalari yuzasidan fikr almashildi.

O‘qituvchilar tomonidan bildirilgan murojaat va takliflar deputat tomonidan qayd etilib, ularni tegishli tashkilotlar bilan hamkorlikda hal etish bo‘yicha mas’ullarga tavsiyalar berildi. Aniqlangan muammolarni bartaraf etish, maktabdagi mavjud sharoitlarni yanada yaxshilash hamda ta’lim sifatini oshirish bo‘yicha tegishli chora-tadbirlarni amalga oshirish zarurligi ta’kidlandi.

O‘rganish yakunida maktab jamoasining taklif va mulohazalari asosida kelgusida amalga oshirilishi lozim bo‘lgan vazifalar belgilab olindi.