📌 Aholiga suyultirilgan gaz ballonlarini yetkazib berish holati o‘rganildi

🏛 Xalq deputatlari tuman Kengashining 19-Ibn Sino saylov okrugi deputati M.Turopova tomonidan Obod MFY hududida aholiga suyultirilgan gaz ballonlarini yetkazib berish holati o‘rganildi.

🔎 O‘rganish davomida xonadonlarni suyultirilgan gaz ballonlari bilan ta’minlash, ularni belgilangan tartibda yetkazib berish, aholining ushbu xizmatdan foydalanish imkoniyatlari hamda mavjud muammolar holatiga e’tibor qaratildi.

👥 Shuningdek, fuqarolar bilan suhbatlar o‘tkazilib, gaz ballonlarini yetkazib berish jarayonida yuzaga kelayotgan muammolar, aholining murojaatlari va takliflari tinglandi. Fuqarolar tomonidan bildirilgan masalalarga aniqlik kiritilib, ularni qonuniy va amaliy jihatdan hal etish yuzasidan tegishli tavsiyalar berildi.

📋 O‘rganish jarayonida gaz ballonlarini yetkazib berishning belgilangan tartib va muddatlarga muvofiqligi, aholining ehtiyojini o‘z vaqtida qoplash hamda xizmat ko‘rsatish sifatini yanada yaxshilash masalalari ham ko‘rib chiqildi.

🤝 Aniqlangan masalalar yuzasidan mas’ullar bilan fikr almashilib, aholining murojaatlarini o‘z vaqtida ko‘rib chiqish, mavjud kamchiliklarni bartaraf etish va suyultirilgan gaz bilan ta’minlash jarayonini yanada takomillashtirish bo‘yicha tegishli tavsiya va takliflar bildirildi.

🏠 Aholini zarur yoqilg‘i resurslari bilan barqaror ta’minlash, ayniqsa, xonadonlarning kundalik ehtiyojlarini inobatga olgan holda xizmatlar sifatini oshirish fuqarolarning turmush farovonligini ta’minlashda muhim ahamiyatga ega.

📍 Mazkur yo‘nalishdagi ishlar deputatlik nazorati doirasida izchil davom ettiriladi.