📍 Xalq deputatlari Arnasoy tumani Kengashi deputati U. Umarov tomonidan o‘z saylov okrugidagi 8-sonli umumiy o‘rta ta’lim maktabida kuz-qish mavsumiga tayyorgarlik holati joyiga chiqqan holda o‘rganildi.

🔎 O‘rganish davomida ta’lim muassasasining mavsumga tayyorgarligi, isitish tizimi, mavjud ko‘mir pechlari hamda zarur shart-sharoitlarning holati atroflicha ko‘zdan kechirildi.

🏫 Shuningdek, qish mavsumida o‘quvchilar va pedagoglar uchun xavfsiz hamda qulay sharoitlarni ta’minlash, mavjud kamchiliklarni o‘z vaqtida bartaraf etish masalalariga alohida e’tibor qaratildi.

📌 Aniqlangan holatlar yuzasidan mas’ullarga tegishli tavsiya va ko‘rsatmalar berilib, mavsumni barqaror va muammosiz o‘tkazish bo‘yicha zarur choralarni ko‘rish belgilandi.