Ilg‘or texnologiyalar asosidagi yangi hamkorlik modeli

O‘zbekiston va Koreya o‘rtasida innovatsion va texnologik alyansni shakllantirish tashabbusi bugungi muzokaralarning eng istiqbolli yo‘nalishlaridan biri, deb hisoblayman.
Axborot texnologiyalari, kiberxavfsizlik, tibbiyot, farmatsevtika va raqamli yechimlar bo‘yicha Koreyaning ilg‘or tajribasini O‘zbekistonning sanoat va resurs salohiyati bilan uyg‘unlashtirish katta imkoniyatlarni ochadi.
Eng muhimi, bu hamkorlik faqat investitsiya jalb qilish bilan cheklanmaydi. U mamlakatimizda zamonaviy texnologiyalarni o‘zlashtirish, yuqori qo‘shilgan qiymatli ishlab chiqarishni rivojlantirish va yangi avlod mutaxassislarini shakllantirishga xizmat qiladi.
Bu — Yangi O‘zbekistonning texnologik taraqqiyot sari tashlayotgan yana bir muhim qadamidir.