Termiz shahrida mahallalarning ijtimoiy-iqtisodiy salohiyatini oshirish, ishsiz va kam daromadli oilalarni qo‘llab-quvvatlash hamda fuqarolar uchun barqaror daromad manbalarini yaratish borasidagi deputatlik nazorati va amaliy muloqotlar izchil davom ettirilmoqda.

Xalq deputatlari Termiz shahar Kengashi raisi, 9-“Abdulla Avloniy” saylov okrugi deputati D.Normuradova, Kengash kotibiyati mudiri A.Ashurov hamda kotibiyat bosh mutaxassisi A.Temirovlar shahardagi “Turon” mahallasida bo‘ldilar.

Kengash raisi va mas’ullar mahalla binosida mahalla faollari hamda "mahalla yettiligi" vakillari ishtirokida hududiy ijtimoiy-iqtisodiy masalalarga bag‘ishlangan muhim yig‘ilish o‘tkazdilar.
Yig‘ilish davomida "Turon" mahallasi kesimida aholi farovonligini oshirish, kambag‘allikni qisqartirish hamda bandlik ko‘rsatkichlarini yaxshilash bo‘yicha quyidagi dozarb chora-tadbirlar belgilab olindi:

• Ijtimoiy-iqtisodiy ahvol tahlili: Mahalladagi ishsiz va kam daromadli xonadonlarni "xonadonbay" o‘rganish, ularning ehtiyojlari va imkoniyatlarini aniqlash;

• Bandlikni ta’minlash: Vaqtincha ishsiz bo‘lgan fuqarolarni, ayniqsa, xotin-qizlar va yoshlarni hududdagi bo‘sh ish o‘rinlariga joylashtirish va kasb-hunarga o‘qitish;

• Barqaror daromad manbalari: Hokim yordamchisi va mahalla mas’ullari ko‘magida imtiyozli kredit hamda subsidiyalar ajratish orqali oilaviy tadbirkorlik va o‘zini o‘zi band qilishni rivojlantirish;

• Manzilli qo‘llab-quvvatlash: Ehtiyojmand oilalarni kambag‘allikdan chiqarish bo‘yicha individual (manzilli) "yo‘l xaritalari"ni ishlab chiqish va amaliyotga tatbiq etish.

"Mahallada ishsizlikni qisqartirish va ijtimoiy ahvolni yaxshilash nafaqat raqamlarga, balki har bir xonadonga kirib borishga bog'liq. 'Turon' mahallasida 'mahalla yettiligi' hamda deputatlarimiz hamkorlikda har bir ishsiz fuqaroning daromadli mehnat bilan band bo'lishini ta'minlashi shart," — deya ta'kidladi Kengash raisi.

Yig‘ilish yakunida belgilangan vazifalar ijrosini o‘z vaqtida va sifatli ta’minlash yuzasidan mahalla mas’ullariga tegishli ko‘rsatma hamda deputatlik tavsiyalari berildi.