Xalq deputatlari Parkent tuman Kengashiga 23-“Nomdanak” saylov okrugidan saylangan deputat, tuman hokimi Po‘latov Elmurod To‘xtaboyevich rahbarligida aholi bandligini ta’minlash, ishsiz fuqarolarni ish bilan ta’minlash,xotin-qizlar va yoshlar bandligini oshirishga qaratilgan mehnat yarmarkasi tashkil etildi.Tuman hududida joylashgan “Elastikum” MCHJ korxonasida o‘tkazilgan mehnat yarmarkasida tegishli mutasaddilar, ish izlayotgan xotin-qizlar hamda yoshlar ishtirok etdi.Yarmarka davomida fuqarolarga korxonaning faoliyati, ish jarayonlari hamda mavjud bo‘sh ish o‘rinlari haqida batafsil ma’lumot berildi. Ish izlayotgan fuqarolarga mavjud vakansiyalar asosida ishga joylashish imkoniyatlari tushuntirilib, ularning bandligini ta’minlashga amaliy ko‘mak ko‘rsatildi.Yarmarka yakunida 15 nafar fuqaroning bandligi ta’minlanib, ular ish bilan ta’minlandi.Aholini, ayniqsa, xotin-qizlar va yoshlarni doimiy ish o‘rinlariga jalb etish, ishsiz fuqarolarni munosib mehnat faoliyatiga yo‘naltirish hamda ularning barqaror daromad manbaiga ega bo‘lishini ta’minlash bo‘yicha amaliy ishlar davom ettirilmoqda.