Xalq deputatlari Surxondaryo viloyati Kengashi deputati A.Oripov hamda Xalq deputatlari Oltinsoy tumani Kengashining 19-“Xidirsho” saylov okrugidan saylangan deputati Qurbaniyazov Yusup Xolmuminovich boshchiligida “Xidirsho” mahallasida mahallani “Yangi O‘zbekiston qiyofasi”ga keltirish borasida amalga oshirilayotgan ishlar xonadonbay va joyiga chiqqan holda o‘rganildi.

O‘rganish jarayonida O‘zbekiston Respublikasi Prezidenti Sh.M. Mirziyoyev raisligida o‘tkazilgan videoselektor yig‘ilishida belgilangan vazifalarning ijrosini ta’minlash masalalariga alohida e’tibor qaratildi. Tadbirda mahalla yettiligi vakillari, ko‘chaboshilar hamda faol va nuroniy fuqarolar ishtirok etdi.

Jumladan, kambag‘allikni qisqartirish, aholi bandligini ta’minlash, daromadlarini oshirish, xonadonlarning daromad manbalarini ko‘paytirish, shuningdek, tadbirkorlik va aholining tashabbuslarini qo‘llab-quvvatlash borasida amalga oshirilayotgan ishlar tahlil qilindi.

Shuningdek, mahalla hududida obodonlashtirish va ko‘kalamzorlashtirish, ko‘cha va yo‘laklarning tozaligi, sanitariya holatini yaxshilash, hududlarni tartibga keltirish, chiqindilarni belgilangan tartibda olib chiqish hamda atrof-muhitni ozoda saqlash masalalariga ham alohida e’tibor qaratildi.

O‘rganish yakunlari bo‘yicha aniqlangan muammolarni manzilli va amaliy hal etish, mahalla hududini obodonlashtirish hamda aholi uchun qulay va munosib yashash sharoitlarini yaratish yuzasidan mas’ullarga tegishli topshiriq va tavsiyalar berildi.

Asosiy maqsad — mahallalarda obodlik va farovonlikni ta’minlash, aholi turmush sharoitini yaxshilash hamda “Yangi O‘zbekiston qiyofasi”ni har bir mahallada amaliy ishlar orqali namoyon etishdan iborat.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz