#_deputat_faoliyati
#_24_ta_masala
#_okrugdagi_o'rganish
Aholi murojaatlari xonadonbay o‘rganildi

Xalq deputatlari tuman Kengashining “7-Tortuli” saylov okrugidan saylangan deputat M.Ashurov tomonidan Turmushobod mahallasida aholi bilan manzilli muloqot tashkil etildi.
O‘rganish jarayonida deputat mahalladagi ijtimoiy xodim bilan birgalikda xonadonbay yurib, fuqarolarning yashash sharoiti, kundalik ehtiyojlari hamda mavjud muammolarini o‘rgandi.

Muloqotlar davomida fuqarolar tomonidan bildirilgan murojaat va takliflar tinglanib, ularning yechimini ta’minlash, tegishli tashkilotlar bilan hamkorlikda muammolarni bartaraf etish yuzasidan zarur choralar belgilandi.

Shuningdek, xonadonlarni o‘rganish davomida ijtimoiy ko‘makka ehtiyoji bo‘lgan oilalar, aholining muammoli masalalari va ularni qo‘llab-quvvatlash imkoniyatlari ham alohida ko‘rib chiqildi.

Bunday manzilli o‘rganishlar fuqarolar murojaatlariga joyida yechim topish, aholi bilan bevosita muloqotni kuchaytirish hamda hududdagi mavjud muammolarni tizimli ravishda hal etishga xizmat qiladi.