Xalq deputatlari Qo‘qon shahar Kengashi deputati E.Sadikova tomonidan saylovchilar bilan o‘tkazilgan uchrashuvlar hamda aholidan kelib tushgan murojaatlar asosida navbatdagi deputatlik so‘rovi yuborildi.

Uchrashuv davomida Qo‘qon shahar, A.T.Ho‘qandiy mavzesi, 45-uy, 34-xonadonda yashovchi fuqaro Abidova Regina Tulkinovna tomonidan oilaviy va ijtimoiy sharoiti bilan bog‘liq muammo ko‘tarildi.

Fuqaroning murojaatida 2024-yilda tug‘ilgan voyaga yetmagan farzandi borligi, shuningdek, 1968-yilda tug‘ilgan onasi Y.Qulaxmedovaning salomatligi bilan bog‘liq muammolari sababli unga qarab kelayotgani hamda bu holat doimiy ish bilan band bo‘lish imkoniyatini cheklayotgani bildirilgan.

Aholi murojaatini inobatga olgan holda, deputat E.R.Sadikova tomonidan Qo‘qon shahar hokimining o‘rinbosari, Oila va xotin-qizlar bo‘limi boshlig‘i N.Ergasheva nomiga deputatlik so‘rovi yuborildi.

Deputatlik so‘roviga asosan mas’ullar hamda “Oltin vodiй” MFY mutasaddilari tomonidan joyiga chiqqan holda o‘rganish o‘tkazildi. O‘rganish natijalariga ko‘ra fuqaroga psixologik yordam ko‘rsatish bo‘yicha maslahatlar berildi, farzandini MTMga joylashtirish va "Ayollar daftari"ga kiritish mezonlari bo‘yicha tegishli tushuntirishlar taqdim etildi.

Mazkur masala deputat nazoratiga olingan bo‘lib, o‘tkazilgan o‘rganish ishlari va berilgan tushuntirishlardan fuqaro qoniqish hosil qilganligini ma’lum qildi hamda murojaat yuzasidan amalga oshiriladigan ishlar bo‘yicha ma’lumotlar berib boriladi.

Xalq deputatlari Qo‘qon shahar Kengashi