Xalq deputatlari Chilonzor tuman Kengashining sessiyasida Chilonzor tumani elektr ta’minoti korxonasi rahbarining 2026-yil birinchi yarim yilligida amalga oshirilgan ishlar, elektr energiyasi ta’minotini yaxshilash, tarmoqlarni rekonstruksiya va modernizatsiya qilish hamda 2026/2027-yillar kuz-qish mavsumiga tayyorgarlik holati to‘g‘risidagi hisoboti tinglandi.
Hisobotda elektr tarmoqlarini yangilash, transformatorlarni almashtirish, podstansiyalarni modernizatsiya qilish, energiya tejamkor texnologiyalarni joriy etish hamda kuz-qish mavsumiga tayyorgarlik ishlari yuzasidan amalga oshirilgan ishlar haqida ma’lumot berildi.
🌱 Energiya samaradorligini oshirish maqsadida tumanda 4,3 MVt quvvatga ega quyosh panellari o‘rnatilib, 6 oy davomida 6 mln kVt/soat elektr energiyasi iqtisod qilindi.
Muhokama yakunida korxonaning 2026-yil birinchi yarim yilligida amalga oshirgan ishlari qoniqarli deb baholandi hamda elektr ta’minotini yanada yaxshilash, avariyaviy holatlarning oldini olish, tarmoqlarni modernizatsiya qilish va kuz-qish mavsumiga puxta tayyorgarlik ko‘rish bo‘yicha tegishli vazifalar belgilandi.