🏛 Xalq deputatlari Shovot tumani Kengashining Mahalliy budjet, tadbirkorlikni rivojlantirish va iqtisodiy islohotlar bo‘yicha doimiy komissiyasi tomonidan jamoatchilik fikri asosida “Ochiq budjet” portali orqali 2026-yil 2-mavsumida o‘tkazilgan tashabbusli budjet jarayonida g‘olib bo‘lgan loyihalarni tanlab olish hamda “Fuqarolar tashabbusi jamg‘armasi” mablag‘larini mazkur loyihalarga yo‘naltirish masalasi muhokama qilindi.
📑 Muhokama davomida O‘zbekiston Respublikasi Prezidentining 2021-yil 13-apreldagi PQ-5072-son qarori hamda O‘zbekiston Respublikasi Oliy Majlisi Senati Kengashining 2024-yil 30-yanvardagi KQ-666-IV-son qarori talablarining tumandagi ijrosi ko‘rib chiqildi.
🗳 Jamoatchilik fikri asosida shakllantirilgan tashabbuslarni qo‘llab-quvvatlash, g‘olib loyihalarni belgilangan tartibda tanlab olish hamda “Fuqarolar tashabbusi jamg‘armasi”dagi mablag‘larni mazkur loyihalarni moliyalashtirishga yo‘naltirish masalalariga alohida e’tibor qaratildi.
🤝 Doimiy komissiya tomonidan tashabbusli budjet jarayonining ochiqligi va shaffofligini ta’minlash, fuqarolar tashabbuslarini qo‘llab-quvvatlash hamda mablag‘lardan samarali foydalanish zarurligi qayd etildi.
📌 XULOSA:
Jamoatchilik fikri asosida “Ochiq budjet” portali orqali Shovot tumanida 2026-yil 2-mavsumida o‘tkazilgan tashabbusli budjet jarayonida g‘olib bo‘lgan loyihalarni tanlab olish va “Fuqarolar tashabbusi jamg‘armasi” mablag‘larini mazkur loyihalarga yo‘naltirish to‘g‘risidagi masalani tuman Kengashining navbatdagi sessiyasi kun tartibiga kiritish tavsiya etildi.
✍️ Doimiy komissiya raisi — G. Dosova