🏛 Xalq deputatlari Shovot tumani Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi tomonidan Shovot tumani yo‘llardan foydalanish korxonasi davlat muassasasi direktori Saidov Mardon Bakiyevichning 2026-yil yanvar–avgust oylarida aholi murojaatlari bilan ishlash holati yuzasidan hisoboti muhokama qilindi.
📊 Hisobot davrida korxonaga jami 65 ta murojaat kelib tushgan.
🔹 17 tasi qanoatlantirilgan;
🔹 36 tasiga huquqiy tushuntirish berilgan;
🔹 12 tasi moliyaviy manba aniqlangach ijobiy hal etilishi belgilangan.
🏢 Murojaatlarning 9 tasi yuridik shaxslar tomonidan kelib tushgan bo‘lib, shundan 8 tasi qanoatlantirilgan, 1 tasiga huquqiy tushuntirish berilgan.
🛠 Qanoatlantirilgan murojaatlar asosan ichki yo‘llarni ta’mirlash, yo‘l mintaqasida ta’mirlash ishlarini amalga oshirishga ruxsat berish, yo‘l chiziqlarini chizish hamda yo‘l elementlarini o‘rnatish masalalariga taalluqli.
💰 Moliyaviy manba aniqlangach hal etilishi belgilangan murojaatlar esa asosan umumiy foydalanishdagi avtomobil yo‘llarini ta’mirlash bilan bog‘liq.
⚖️ Murojaatlarni ko‘rib chiqishda fuqarolar va yuridik shaxslarning qonuniy huquq va manfaatlarini ta’minlash, murojaatlarni o‘z vaqtida ro‘yxatga olish, vakolatliligi bo‘yicha yuborish hamda murojaat mualliflarini belgilangan tartibda xabardor qilish ishlari yo‘lga qo‘yilgan.
📌 Doimiy komissiya tomonidan murojaatlarni ko‘rib chiqish samaradorligini oshirish, yo‘llar bilan bog‘liq muammolarni manzilli hal etish va kelib tushayotgan murojaatlarni muntazam tahlil qilib borish zarurligi qayd etildi.
📑 XULOSA:
Shovot tumani yo‘llardan foydalanish korxonasi davlat muassasasi direktori Saidov Mardon Bakiyevichning 2026-yil yanvar–avgust oylarida aholi murojaatlari bilan ishlash holati yuzasidan hisoboti tinglanib, mazkur masalani tuman Kengashining navbatdagi sessiyasi kun tartibiga kiritish tavsiya etildi.
✍️ Doimiy komissiya raisi — M. Kariyev