TADBIRKORLAR UCHUN YANGI IMKONIYATLAR — IQTISODIY FAOLLIK UCHUN MUHIM QADAM

✔️Davlat aktivlari va yer uchastkalarini xususiylashtirish jarayonida tadbirkorlar uchun to‘lov shartlarining yengillashtirilayotgani biznes muhitini yanada qulaylashtirishga xizmat qiladi.
✔️Xalq deputatlari Jondor tumani Kengashi deputatining ta’kidlashicha, avans to‘lovining 15 foiz etib belgilanishi, aktiv qiymatini 6 oy ichida to‘liq to‘laganda 25 foizlik chegirma berilishi hamda ayrim holatlarda 7 yilgacha foizsiz bo‘lib to‘lash imkoniyatining yaratilishi tadbirkorlar uchun katta moliyaviy yengillikdir.
“Tadbirkor uchun eng muhim omillardan biri — mablag‘ni samarali boshqarish va uni ishlab chiqarish hamda yangi loyihalarga yo‘naltirish imkoniyatidir. Yangi tartiblar biznes vakillariga o‘z faoliyatini kengaytirish, yangi ish o‘rinlari yaratish va hudud iqtisodiyotiga yanada katta hissa qo‘shish uchun qo‘shimcha imkoniyat yaratadi”, — deydi deputat.
✔️Shuningdek, yer uchastkalarining “tayyor paket” shaklida, zarur loyiha, ruxsatnomalar va kommunikatsiya tarmoqlariga ulanish bo‘yicha texnik shartlar bilan savdoga chiqarilishi tadbirkorlarning vaqt va mablag‘ini tejashga yordam beradi.
✔️Bunday yengilliklar, avvalo, xususiy sektor faolligini oshirish, investitsiyalarni jalb etish, yangi ishlab chiqarish quvvatlarini yaratish va aholi bandligini ta’minlashga xizmat qiladi.
👉Deputat sifatida mazkur islohotlarni tadbirkorlikni qo‘llab-quvvatlash va hudud iqtisodiy salohiyatini oshirish yo‘lidagi muhim qadam, deb hisoblayman.

Behruz Axmadov,
Xalq deputatlari Jondor tumani Kengashi deputati,