Xalq deputatlari Angor tumani Kengashi 19-Farovon saylov okrugi deputati Mamatmirzayeva Raxima hamda Xalq deputatlari Angor tumani Kengashi kotibiyati mudiri M. Yarmatov ishtirokida Tuman tibbiyot birlashmasining 3-sonli oilaviy poliklinikasi Ozod Buxoro filiali faoliyati o‘rganildi.
O‘rganish davomida sessiya kun tartibiga kiritilgan dori-darmon vositalarini xarid qilish, tibbiy asbob-uskunalarni yetkazib berish bo‘yicha tuzilgan shartnomalar hamda mavjud bo‘sh ish o‘rinlarini taqsimlash masalalariga alohida e’tibor qaratildi.

Jumladan, tibbiyot muassasasining dori-darmon bilan ta’minlanganlik holati, xaridlar bo‘yicha hujjatlarning yuritilishi, tibbiy asbob-uskunalarning mavjudligi va ulardan samarali foydalanish darajasi ko‘zdan kechirildi. Shuningdek, muassasadagi mavjud va bo‘sh ish o‘rinlari, ularni mutaxassislar bilan ta’minlash masalalari ham tahlil qilindi. 42-ta bepul dori -darmonlar borligi haqida ma'lumot berildi hozirgi kunda mahalliy fuqarolardan saxir hamda gipertoniya kasalliklari ko'p uchrayotgani bevosita tahlil jarayonlarida aytildi.

O‘rganish yakunida aniqlangan masalalar yuzasidan mas’ullarga tegishli tavsiya va takliflar bildirilib, tibbiy xizmat sifatini yanada yaxshilash, aholiga ko‘rsatilayotgan tibbiy xizmatlarning samaradorligini oshirish hamda mavjud muammolarni bartaraf etish bo‘yicha vazifalar belgilab olindi.