Xalq deputatlari Angor tumani Kengashi 19-Faravon saylov okrugi deputati Mamatmirzayeva Raxima tomonidan hududdagi 40-sonli umumta’lim maktabida olib borilayotgan qurilish va bunyodkorlik ishlari o‘rganildi.

Nazorat tadbiri davomida maktab binosining qurilish ishlari yakuniy bosqichga yetgani, bino ichki va fasad qismlarining tayyor holati, hududdagi obodonlashtirish hamda tozalik ishlari ko‘zdan kechirildi. Shuningdek, binoning foydalanishga topshirishga tayyorgarlik holatiga alohida e’tibor qaratildi.

Mazkur o‘rganishda Xalq deputatlari Angor tumani Kengashi kotibiyati bosh mutaxassisi M.Chorieyava ham ishtirok etdi.

O‘rganish yakunlari bo‘yicha aniqlangan masalalar yuzasidan mas’ullarga tegishli topshiriq va vazifalar berilib, qurilish ishlarini sifatli yakunlash, maktab binosini foydalanishga to‘liq tayyor holatga keltirish hamda hududda tozalik va obodonlashtirish ishlarini ta’minlash bo‘yicha deputatlik nazorati davom ettirilishi belgilandi.

Deputatlik nazorati — hududdagi muammolarni o‘rganish, ularning yechimini ta’minlash va amalga oshirilayotgan ishlarning sifatini nazorat qilishning muhim vositasidir.