Xalq deputatlari Andijon shahar Kengashi deputati Dildoraxon Rahmatullayeva tomonidan o‘z saylov okrugidagi “Sog‘lom avlod” MFYda o‘rganish ishlari olib borildi.

O‘rganish davomida deputat mahalla raisi Ranoxon Ortiqova bilan birgalikda hududni ko‘zdan kechirdi. Jarayonda aholi maishiy chiqindilarini yig‘ish joyini zamonaviy talablar asosida qayta tashkil etish zarurligi aniqlandi.

Mazkur masala bo‘yicha tegishli tashkilotlarga deputat so‘rovi kiritish orqali muammoni ko‘rib chiqish va amaliy yechim topish yuzasidan tushuntirish berildi.

Hududlarda sanitariya holatini yaxshilash va zamonaviy chiqindi yig‘ish maydonchalarini tashkil etish aholiga qulay hamda ozoda muhit yaratishga xizmat qiladi.