Xalq deputatlari Qo‘qon shahar Kengashiga 11-“O‘rmonbog‘” saylov okrugidan saylangan deputat N.Shomatov tomonidan “Davronbek” mahalla fuqarolar yig‘inida navbatdagi saylovchilar bilan uchrashuv va o‘rganish ishlari olib borildi.

Uchrashuv davomida fuqarolarning murojaatlari, taklif va muammolari tinglanib, ularni hal etish bo‘yicha zarur choralar belgilandi.

Xususan, Burchilik ko‘chasi 2/54-uyda yashovchi fuqaro Mahmudova Muslima turmush o‘rtog‘i bilan nikohini qonuniy tartibda rasmiylashtirish masalasida amaliy yordam so‘rab murojaat qildi.

Murojaat o‘rganilib, nikohni belgilangan tartibda rasmiylashtirish bo‘yicha fuqaro uchun zarur tushuntirish va amaliy ko‘mak ko‘rsatish yuzasidan tegishli choralar ko‘rishga kelishib olindi.

Mazkur masala deputat N.Shomatov nazoratiga olinib, fuqaroning murojaatini ijobiy hal etish bo‘yicha mas’ul tashkilotlar bilan hamkorlikda ish olib borilishi belgilandi.

Xalq deputatlari Qo‘qon shahar Kengashi