Xalq deputatlari Qo‘qon shahar Kengashiga 11-“O‘rmonbog‘” saylov okrugidan saylangan deputat N.Shomatov tomonidan “Davronbek” mahalla fuqarolar yig‘inida navbatdagi saylovchilar bilan uchrashuv va o‘rganish ishlari olib borildi.

Uchrashuv davomida fuqarolarning murojaatlari, taklif va muammolari tinglanib, ularni hal etish bo‘yicha zarur choralar belgilandi.

Xususan, Davronbek ko‘chasi 23-uyda yashovchi fuqaro Ochilov Hamid kadastr masalasida amaliy yordam so‘rab murojaat qildi.

Murojaat davomida fuqaroning kadastr hujjatlari bilan bog‘liq masalasi o‘rganilib, muammoni qonunchilikda belgilangan tartibda hal etish yuzasidan tegishli tashkilotlar bilan hamkorlikda amaliy choralar ko‘rish masalasi belgilandi.

Mazkur murojaat deputat N.Shomatov nazoratiga olinib, fuqaroning kadastr masalasini ijobiy hal etishga ko‘maklashish bo‘yicha ishlar davom ettirilishi belgilandi.

Xalq deputatlari Qo‘qon shahar Kengashi