O‘zbekiston Respublikasi Prezidentining 2026-yil 5-fevraldagi PQ-49-son qarori hamda ushbu qaror ijrosini ta’minlash yuzasidan Xalq deputatlari Boyovut tumani Kengashining 2026-yil 3-martdagi VII-22-24-9-123-K/26-sonli qarori ijrosi doirasida o‘rganish ishlari olib borildi.

📍 Sohil mahallasida Kengash kotibiyati mudiri X.Berdiyarova hamda bosh mutaxassis A.Sharopov tomonidan “Islohotlar dasturi” asosida amalga oshirilayotgan loyihalarning amaldagi holati joyiga chiqib o‘rganildi.

🔎 O‘rganish davomida quyidagi ishlar amalga oshirilgani aniqlandi:
🛣 Hurobod ko‘chasining 0,8 km qismiga beton qoplama yotqizilgan.
🚶‍♂️ 0,8 km piyodalar yo‘lagining 620 metr qismi qurib bitkazilgan.
💡 195 dona ko‘cha yoritish chiroqlarini o‘rnatish ishlari boshlangan bo‘lib, yoritish ustunlarini o‘rnatish uchun tegishli joylar tayyorlangan.
⚡️ 1 dona transformator o‘rnatish bo‘yicha belgilangan vazifalar ham o‘rganildi.

📌 O‘rganish jarayonida loyihalarning PQ-49-son qarori hamda Kengashning VII-22-24-9-123-K/26-sonli qarorida belgilangan vazifalarga muvofiq amalga oshirilishi, ishlarning sifati va belgilangan muddatlarga rioya etilishiga e’tibor qaratildi.

Qolgan ishlarni sifatli va o‘z vaqtida yakunlash, aniqlangan masalalarni bartaraf etish yuzasidan mas’ullarga tegishli tavsiya va ko‘rsatmalar berildi.

Xalq deputatlari Boyovut tumani Kengashi kotibiyati