Xalq deputatlari Pastdarg‘om tumani Kengashi deputati X. Turdiyev tomonidan 2026-yil 11-avgust kuni “Deputat daftari”ga Qoraquppa mahallasida aholini qiynab kelayotgan muammolar va ularni bartaraf etish bo‘yicha takliflar qayd etildi.
Mahalla yettiligi hamda nuroniylar bilan hamkorlikda o‘tkazilgan o‘rganish davomida mahallada 785 ta xo‘jalik mavjudligi, ayni vaqtda hududda 1 ta ichimlik suvi minorasi faoliyat yuritayotgani va u orqali atigi 220 ta xonadon ichimlik suvi bilan ta’minlanayotgani aniqlandi.
Shu munosabat bilan deputat tomonidan aholini sifatli ichimlik suvi bilan barqaror ta’minlash maqsadida qo‘shimcha 2 ta suv minorasi qurish taklifi ilgari surildi.
Shuningdek, 44-maktab oldida o‘quvchilar xavfsizligini ta’minlash maqsadida svetofor o‘rnatish masalasi ham “Deputat daftari”ga kiritildi.