🔹 Xalq deputatlari Jondor tumani Kengashi deputati I.Xolov hamda tuman Kengashi kotibiyati bosh mutaxassisi J.Norov Muloqot davomida O‘zbekiston Respublikasi Prezidentining 2019-yil 4-iyundagi PQ–4351-sonli «Aholi punktlarini obodonlashtirish sohasini tubdan takomillashtirish chora-tadbirlari to‘g‘risida»gi qarori hamda «Aholi punktlarini obodonlashtirish qoidalari» talablari asosida Qovchin mahallasida amalga oshirilayotgan obodonlashtirish ishlari bilan joyida tanishdilar.

O‘rganish davomida mahallaning sanitariya holati, ichki ko‘chalarning tozaligi, ariq va zovurlarning saqlanishi, yashil hududlarni parvarishlash hamda hududni yanada obod va ko‘rkam qilish borasida olib borilayotgan ishlar tahlil qilindi.

🔹 Shuningdek, mahalla faollari bilan o‘tkazilgan muloqotda sanitariya va obodonlashtirish qoidalariga qat’iy rioya etish, atrof-muhit tozaligini ta’minlash, aholi yashash muhitini yanada yaxshilash hamda hududning me’moriy qiyofasini saqlash masalalari muhokama qilindi.

🔹 O‘rganish yakunida obodonlashtirish ishlarini tizimli davom ettirish, fuqarolarning bu boradagi mas’uliyatini oshirish va qonunchilik talablariga amal qilish hududlarni rivojlantirishning muhim omili ekani alohida ta’kidlandi.