Xalq deputatlari Bekobod shahar kengashining 10-“Mustaqillik” okrugi deputati O‘zMTDP a’zosi S.Ergasheva va kotibiyat bosh mutaxassisi U.Abdunazarov tomonidan Bekobod dehqon bozorida aholi iste’moli uchun eng zarur mahsulotlari narx-navosi, mahsulotlarning yetarliligi o‘rganildi. O‘rganishda dehqon bozori ma’muriyati va
shahar Veterinariya bo‘limi mas’ul xodimlari ishtirok etdilar. Bozor hududida arzonlashtirilgan oziq-ovqat mahsulotlari yarmarkasi tashkil etilgan. Savdo shoxobchasida deyarli barcha turdagi qishloq xo‘jaligi va kundalik ehtiyoj mahsulotlari mavjudligi aniqlandi. Biroq, arzonlashtirilgan yarmarkada go‘sht mahsuloti 80,0 ming so‘m deb yozilgan, biroq go‘sht tugab qolganligi ma’lum bo‘ldi. Mahsulotlar narxlari to‘g‘risida fuqarolar bilan gaplashilganda har bir mahsulot bo‘yicha tanlov imkoniyati mavjudligi, mahsulotlar sifati ham qoniqarli ekanligini ma’lum qildilar. O‘rganish yakunida arzon go‘shtni zaxirasini oshirish va bozor talab va ehtiyojidan kelib chiqqan holda savdo rastalarida doimiy bo‘lishi yuzasidan tavsiyalar berildi.