Xususan, “Vodiy chashmasi water” oilaviy korxonasi faoliyati bilan ham tanishildi. Mazkur korxonada qadoqlangan ichimlik suvi ishlab chiqarish yo‘lga qo‘yilgan bo‘lib, tadbirkor tomonidan ishlab chiqarish hajmini oshirish va daromad manbalarini kengaytirish bo‘yicha izchil ishlar olib borilmoqda.
Qolaversa, korxonada 50 kVt quvvatga ega quyosh panellari o‘rnatilgan bo‘lib, ular orqali elektr energiyasidan samarali foydalanish va xarajatlarni kamaytirishga erishilmoqda.
Ayni paytda korxonada tadbirkorning 6 nafar oila a’zosi mehnat qilib, doimiy daromad manbaiga ega bo‘lmoqda. Korxona faoliyati natijasida oilaning yillik o‘rtacha daromadi 150 million so‘mni tashkil etmoqda.
O‘rganish davomida tadbirkorning mavjud imkoniyatlaridan samarali foydalanish, ishlab chiqarish quvvatini oshirish, mahsulot turlarini kengaytirish hamda yangi ish o‘rinlari yaratish bo‘yicha tegishli tavsiya va takliflar berildi.