#162_ta_qonun #biriktirilgan_tashkilot
O‘zbekiston Respublikasining O‘RQ-937-son Qonuni ijrosi yuzasidan o‘rganish olib borildi.

Xalq deputatlari Farg'ona tuman Kengashi deputatlari Ozodaxon Dadajonova, Farruxbek Abdusalomov hamda kotibiyat bosh mutaxassisi Abduxamid Eminjonovlar tomonidan O‘zbekiston Respublikasining “O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish to‘g‘risida”gi O‘RQ-937-son Qonuni ijrosi yuzasidan Kadastrlar palatasi tuman bo'limida o‘rganish olib borildi.
O‘rganish davomida Xalq deputatlari Farg‘ona viloyati Kengashining tegishli qarorlariga asosan o‘zboshimchalik bilan egallab olingan yer uchastkalariga bo‘lgan ijara huquqi hamda ularda qurilgan bino va inshootlarga bo‘lgan mulk huquqi belgilangan tartibda e’tirof etilayotgani aniqlandi.
Mazkur huquqlarning e’tirof etilishi natijasida fuqarolarda o‘z uy-joylarini qonuniy rasmiylashtirish, boshqa shaxsga sotish hamda oila a’zolarini doimiy ro‘yxatga qo‘yish imkoniyati paydo bo‘ladi.
Shuningdek, mulkdorlar uy-joyni ta’mirlash yoki qo‘shimcha qurilish ishlarini amalga oshirish uchun imtiyozli kreditlardan foydalanish, uy-joy jamoat ehtiyojlari uchun olib qo‘yilgan taqdirda esa qonunchilikda belgilangan tartibda tegishli kompensatsiya olish huquqiga ega bo‘ladi.
Mazkur Qonunning mazmun-mohiyati va fuqarolarga berayotgan imkoniyatlari yuzasidan deputatlar tomonidan huquqiy targ‘ibot va tushuntirish ishlari davom ettirilmoqda.

⌛ Kengashning rasmiy sahifalarini kuzatib boring. ⬇️
✅ Telegram |✅ Facebook | 🎬 YouTube | 📱 Instagram |🌐 E-Kengash.uz