Xalq deputatlari Qo‘qon shahar Kengashi deputati N.Shomatov tomonidan “Davronbek” mahalla fuqarolar yig‘inida O‘zbekiston Respublikasi Prezidentining 2025-yil 3-yanvardagi PQ-1-sonli “2025-yilda Respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”gi qarori ijrosi yuzasidan o‘rganish va muhokama o‘tkazildi.

O‘rganish jarayonida mahalla fuqarolar yig‘ini raisi, mahalla kengashi a’zolari hamda mahalla profilaktika inspektori Meliqo‘ziyev Dostonbek Safarali o‘g‘li ishtirok etdi.

Muhokama davomida hududda jinoyatchilik va huquqbuzarliklarning oldini olish, jamoat tartibini ta’minlash hamda fuqarolar xavfsizligini mustahkamlash borasida amalga oshirilayotgan ishlar atroflicha tahlil qilindi.

Xususan, huquqbuzarliklar profilaktikasini kuchaytirish, yoshlar o‘rtasida jinoyatchilikning oldini olish, notinch oilalar bilan manzilli ishlash, tungi nazorat tadbirlarini samarali tashkil etish hamda mahallani jinoyatdan xoli hududga aylantirish bo‘yicha amalga oshirilayotgan chora-tadbirlar muhokama qilindi.

Shuningdek, mahalla hududida jamoat xavfsizligini yanada kuchaytirish maqsadida zamonaviy videokuzatuv kameralarini o‘rnatish, mavjud kuzatuv tizimlarini kengaytirish va xavfsizlik infratuzilmasini takomillashtirish masalalari yuzasidan fikr almashildi.

Xalq deputatlari Qo‘qon shahar Kengashi