Xalq deputatlari Pastdarg‘om tumani Kengashining navbatdagi sessiyasi kun tartibiga kiritilgan “Toza hudud” davlat unitar korxonasining tumanda sanitariya-epidemiologik holatni yaxshilash, chiqindilarni o‘z vaqtida olib chiqib ketish hamda debitor qarzdorliklarni undirish bo‘yicha amalga oshirayotgan ishlari yuzasidan hududlarda o‘rganish ishlari davom etmoqda.
🔎 Mazkur yo‘nalish doirasida Xalq deputatlari Pastdarg‘om tumani Kengashi deputati J. Ochilov tomonidan o‘z saylov okrugi hududidagi umumta’lim maktablarida chiqindilarni olib chiqib ketish holati o‘rganildi.
🏫 O‘rganish davomida maktablar hududida chiqindilarni yig‘ish, saqlash va o‘z vaqtida olib chiqib ketilishi bilan bog‘liq masalalarga e’tibor qaratildi.
♻️ Sanitariya-epidemiologik osoyishtalikni ta’minlash, ta’lim muassasalarida tozalikni saqlash hamda chiqindilarni belgilangan tartibda olib chiqib ketish bo‘yicha aniqlangan masalalar yuzasidan tegishli tashkilotlar bilan hamkorlik davom ettiriladi.