Xalq deputatlari Bo‘stonliq tumani Kengashining Kengashning 2026-yilga mo‘ljallangan ish rejasiga muvofiq O‘zbekiston “Adolat” sotsial-demokratik partiyasidan saylangan deputat M.Ashurov tomonidan “Bog‘chaovul” mahallasiga biriktirilgan xotin-qizlar faoli L.Tursunboyevaning xotin-qizlar bilan ishlash, ularning muammolarini aniqlash va manzilli hal etish borasida amalga oshirilayotgan ishlari o‘rganildi.

🔺O‘rganish davomida mahalladagi xotin-qizlar faolining faoliyati, jumladan, ehtiyojmand xotin-qizlarni aniqlash, ularni ijtimoiy qo‘llab-quvvatlash, bandligini ta’minlash hamda mavjud muammolarini bartaraf etish bo‘yicha olib borilayotgan ishlarga alohida e’tibor qaratildi.

🔺Shuningdek, mahallada “Ayollar daftari”ga kiritilgan xotin-qizlar bilan ishlash holati ham ko‘rib chiqildi. Ayni vaqtda mahalladan 21 nafar xotin-qiz “Ayollar daftari”ga kiritilgan bo‘lib, ularning har biri bilan individual ish olib borish, mavjud muammolarini o‘rganish va tegishli ko‘mak ko‘rsatish choralari belgilangan. Xususan, ro‘yxatdagi xotin-qizlarning 11 nafari 1-toifa, 2 nafari 4-toifa, 4 nafari 5-toifa bo‘yicha qayd etilgan. Ularning ijtimoiy-iqtisodiy holati, ehtiyojlari va murojaatlari asosida tegishli choralar ko‘rish masalalari muhokama qilindi.

🔺O‘rganish yakunida xotin-qizlar faoliga “Ayollar daftari”dagi har bir fuqaro bilan manzilli ishlash, belgilangan vazifalar ijrosini nazorat qilish hamda aniq natijalarga erishish bo‘yicha tavsiyalar berildi. Shu bilan birga, xotin-qizlarni kasb-hunarga o‘qitish, bandligini ta’minlash, tadbirkorlik faoliyatiga jalb qilish, zarur hollarda moddiy va ijtimoiy yordam ko‘rsatish borasidagi imkoniyatlardan samarali foydalanish zarurligi qayd etildi.