#Doimiy_komissiya_faoliyatidan 

📌 Navbatdagi sessiya oldidan saylovchilar fikri o‘rganilmoqda

🤝 Xalq deputatlari Sherobod tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi raisi N. Saidova hamda 6-Navbur–Dehqonariq saylov okrugidan saylangan deputat M. Madarqulov “Dehqonariq” mahalla fuqarolar yig‘inida joylashgan 83-son oilaviy poliklinikaga tashrif buyurdi.

🏥 Tashrif davomida Xalq deputatlari Sherobod tumani Kengashining navbatdagi sessiyasi kun tartibiga kiritilgan masala yuzasidan poliklinikadagi mavjud holat, amalga oshirilayotgan ishlar hamda aholiga ko‘rsatilayotgan tibbiy xizmatlar o‘rganildi.

🔎 O‘rganish jarayonida mavjud muammo va kamchiliklar, ularni bartaraf etish bo‘yicha amalga oshirilishi lozim bo‘lgan ishlar yuzasidan mas’ullar bilan fikr almashildi.

📝 O‘rganish yakunlari bo‘yicha tegishli taklif va tavsiyalar shakllantirilib, navbatdagi sessiyada muhokama uchun taqdim etiladi.

📍 Joylarda olib borilayotgan bunday o‘rganishlar sessiya kun tartibidagi masalalarni har tomonlama ko‘rib chiqish va tegishli qarorlar qabul qilishda muhim ahamiyat kasb etadi.