Xalq deputatlari Chilonzor tumani Kengashi deputati Nazirov Madaminjon Ma’rufjon o‘g‘li tomonidan 15-Naqqoshlik saylov okrugida mahalla yettiligi vakillari bilan navbatdagi uchrashuv o‘tkazildi.

Uchrashuv davomida hududdagi mavjud muammolar, aholini qiynab kelayotgan dolzarb masalalar hamda ularni bosqichma-bosqich bartaraf etish yuzasidan amalga oshirilishi lozim bo‘lgan chora-tadbirlar atroflicha muhokama qilindi.

Xususan obodonlashtirish va ko‘kalamzorlashtirish ishlari, tungi yoritish tizimini yaxshilash, ichimlik suvi va kommunal infratuzilma bilan bog‘liq masalalar, sanitariya-tozalikni ta’minlash, yoshlar va xotin-qizlar bandligini qo‘llab-quvvatlash, ijtimoiy himoyaga muhtoj fuqarolarni qo‘llab-quvvatlash hamda mahallada jamoat tartibini mustahkamlash masalalari yuzasidan fikr almashildi.

Deputat tomonidan mahalla yettiligi bilan hamkorlikni yanada kuchaytirish, fuqarolardan kelib tushayotgan murojaatlarni o‘z vaqtida o‘rganish va tegishli tashkilotlar bilan hamkorlikda amaliy yechimlarni ta’minlash bo‘yicha aniq vazifalar belgilab olindi.