Xalq deputatlari viloyat Kengashi kotibiyati bosh yuriskonsulti S.Mamatov hamda tuman Kengashi deputati A.Isakulov tomonidan mahalladagi mavjud holat joyiga chiqqan holda o‘rganildi.

O‘rganish davomida mahalla hududida aholining turmush sharoitini yaxshilash, obodonlashtirish va ko‘kalamzorlashtirish, hududdagi ijtimoiy hamda infratuzilmaga oid masalalarni hal etish borasida amalga oshirilayotgan ishlar ko‘zdan kechirildi.

Shuningdek, fuqarolar bilan muloqot davomida ularni qiynab kelayotgan muammolar, mahalladagi mavjud kamchiliklar va ularni bartaraf etish bo‘yicha amalga oshirilishi lozim bo‘lgan vazifalarga alohida e’tibor qaratildi.

O‘rganish jarayonida aniqlangan ayrim masalalar yuzasidan mas’ullarning faoliyati tanqidiy-tahliliy jihatdan ko‘rib chiqilib, muammolarni hal etish bo‘yicha aniq vazifalar belgilab berildi.