📍 Xalq deputatlari Shovot tumani Kengashi huzuridagi Yoshlar maslahat guruhi raisi Roximov Ollabergan Zafaro‘g‘li, Xalq deputatlari Shovot tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi raisi Kalandarov Azamat Shermetovich hamda Kengash kotibiyati xodimi Ro‘zmetov Umrbek Shavkatovich tomonidan Shovot tumanidagi Yoshlar markazida amalga oshirilayotgan ishlar bilan yaqindan tanishildi.
🏢 Tashrif davomida markazda yoshlarning bo‘sh vaqtini mazmunli tashkil etish, ularning kasb-hunar va zamonaviy bilimlarni egallashi, sport hamda madaniy-ma’rifiy tadbirlarga jalb etilishi, yoshlar bandligini ta’minlash va iqtidorli yoshlarni har tomonlama qo‘llab-quvvatlash borasida amalga oshirilayotgan ishlar o‘rganildi.
🤝 Shuningdek, mas’ullar bilan o‘tkazilgan muloqot davomida yoshlar uchun yaratilgan shart-sharoitlar, mavjud imkoniyatlardan samarali foydalanish, tizim faoliyatini yanada takomillashtirish hamda istiqboldagi ustuvor vazifalar yuzasidan fikr almashildi.
📌 O‘rganish yakunida yoshlar bilan ishlash samaradorligini yanada oshirish, ularning tashabbuslarini qo‘llab-quvvatlash va davlat yoshlar siyosatini izchil amalga oshirish bo‘yicha tegishli tavsiya hamda takliflar bildirildi.
🏛 Xalq deputatlari Shovot tumani Kengashi
🇺🇿 Yoshlar kelajagi – Yangi O‘zbekiston taraqqiyotining mustahkam poydevoridir!